حفرتلي 103

انا حاط ابليس بكيس وقاعد محله : تعني احذر انا شب ديونجي

اطلع من راسي وسكر الباب : روح من وجهي

عراسي كزدره : انا بحبك

دندره : الدنيا قالبه

ليخه : مافي مسؤول

مهبره : تقال للحفله الفايعه

شارب عصير منغش : تقال للشب المستخف دمه

ماكل مناغيش على الصبح : تقال للشب الي مفكر حاله نغش

بتلعب بعداد عمرك : تقال للشاب النافش ريشه

عمرك شفت راسك عصدر منسف : تقال للشب البتفلسف

خاروف : تقال للشاب الذي يدفع الحساب عن الشباب والبنات

شب بتهواله بقشره بزر : تقال للشب الي بعصب بسرعه

شحدنا الملح : تقال عند حاله الطفر

شب منشف ريق البنات : من كتر ما بنتف عليه

وضعي متضعضع : تقال للحاله الغير مستقره

جلس واعطي لمعه : تقال للشاب الي قال نكته بايخه

حسّن خطك أحسن أجيبلك برّاية: جلّس و ما تعلق معي احسنلك

اختصر وقسم على عشره : تقال لشاب عامل حاله غشيم

روق يابرقوق : تقال للبنت المعصبه

شخبط شخابيط : تقال للشاب الذي يقضي حاجته على الحيط

وشرفي بريح امك من غسيل اواعيك : تقال في فترة الاستعداد لطوشه

بسوي منك عشره صغار وبصيرو يدورو على بعض : تقال عند انتهاء الهوشه والناس بتفزع

احه : تقال قبل الطوشه وقبل تسديد الضربه الاولى بثواني

ابتعرف عطعط : صلي عنبي وافعط

بسلم عليك سعد الصغير : بحبك يا حمار

رخويات : الاناث

بنت طقع : بنت وجها وجسمها متناسق

بنت ابتشلق : بنت جميله جدا

حافية القدمين : بنت بتسمع لكاظم الساهر

بنت عوايه : بنت قبيحه

بنت بكسه : بنت وجهها وجسمها غير متناسق

بنت شوال : جسمها مش راكب على بعضه

بنت شقفه : بنت زي انجلينا جولي

بنت جمل : بنت ذات قامه طويله وجهامه

بنت كوكاكولا : بنت كسمها زي زجاجه الكوكاكولا (راجع دعاية نانسي)0

بنت عدادها زيرو : عمرها ماحكت مع شباب

بنت معها سبير : ابتحكي مع شبين بنفس الوقت

بنت مشفره وكرتها مع فلان : بنت مصاحبه فلان

بنت مشفره وكرتها ضايع : بنت مصاحبه وغير معروف صديقها

بنت لوح زجاج : بنت نحيفه جدا

بنت توتي فروتي : بنت دلوعه

بنت عدادها قالب : ابتحكي مع مليون شب

بنت الها على اللون : بنت داهية

استراحة غنائية

سيارتي يا سيارتي
شو بحبك يا سيارتي
لأنك انتي سيارتي
بحبك يا سيارتي

هداك اليوم و انا سايقك بنشرتي
طيب ليش هيك فيي عملتي
بتحبي تشوفي بهدلتي
بس بضلني احبك يا سيارتي

من اول يوم جبتك ركبتلك جنطات
مع طقم كوشوك و صنوبرصات
واللي بشوفك بفكرني قاصص الكعكات
و مزبطك بكراجات البيادر أو الوحدات

كل شي عليكي أصلي يا باي
ريكارو سيتس و طقم الطوطاي
واللي بشوفك بفقعك عين عاد حرام خطاي
و ببلشوا يصيحوا اشحط و انا بروح مع التهواي

بس بصراحة احلى اشي فيكي اللون
و اللي زادك حلاوة ضواو الزنون
ما في زيك لا بصويفية ولا عبدون
سامحيني لما بتركك مضروبة بس مشان العيون



ملاحظة: مطلوب ملحن بخبرة لا تقل عن 3 سنوات تلحين اغاني دبكات دلعونة و تشوبي و شوية اغاني فلكلور اردني و اغاني وطنية

وكمان مطلوب مغني بخبرة لا تقل عن ما يلي:0
ثلاث سنوات غناء نوادي ليلية و يفضل بنادي القمة او المسايا او مونتي كارلو
خمس سنوات اعراس و تعاليل
سنتين بمطعم الفردوس و سنة بمطعم التلال السبعة و سنة بمطعم باب عمان

على من يجد نفسه بالمواصفات المذكورة الرجاء مراجعة اقرب مخفر قصدي ارسال السيرة الذاتية الى مطعم هاشم لأنه ناقصهم ورق يلفوا فيه سندويشات

حفرتلي 102

مصطلحات حفرتلية

أبو شركس يحييكم من وراء الإجريفون...... قصدي المايكرويف .... قصدي المايكرو بروسسر .... من وراء المايك

طقع : بتنحكى لما يشوف شغلة حلوة و بتجنن زي بنت او سيارة
من الاخر : تستعمل لانهاء الموضوع أو النقاش و او مرات بستعملوها مكان طقع
حبيب ألبي : للتشبه بجورج وسوف او انو يشكرك على شغلة ساويتلو ياها

على راسي : والها اكثر من تكملة : على راسي كزدره , على راسي سقوط حر , على راسي بكل , على راسي يا تاج راسي , على راسي اسقاط مظلي , على راسي الخ

أبوشَرّك : لما يكونو الحفرتلية اخوان و اعز
يا كبير : تعظيم شأن الشخص .. مرات هز ذنب
طَخ لنج : يعني شغلة جديدة و بتظوي ظوي
مُزّه أو تفاحة بكسر التاء : يعني بنت بتاخذ العقل
صح : يعني تمام التمام
بس بلاااااااش : يعني بكفي عرط
وضعك زنون : يعني وضعك بالسلييييييم
فُكنا من سوليفك الطرمه : لما تقترح اشي و ما يعجب الكل و يكون اشي غريب
شي غاد : يعني اقلب وجهك
حريقة او حرققققق : بحكوها لما يشوفو سياره قويه
أكلـَت الارض : سيارة قويه عم بتشحط
قبّع الزفتة : بيرن أوت
بِزرة : سياره سريعه
بككس : باك اكس بلغة الميكانيكي و هو الرير دفرنشيل
فرجار : يعني برسم خمسه صح عل شارع
حصتي : يعني حبيب قلبي , أو المزه
الشب عندي : يعني ما حد ييجي فيه , تستعمل للدفاع عن الاخرين
شمعو كف : اي ظربه بقوة
درا شفط : هو الدرايف شفت عامود نقل الحركة بالسيارة
كتير ياي : يعني كتير طنط
امشي عا رمشي : تستعمل للمجاملة
اموت طخ بفرد مي : لما يشوف بنت شقفة

خسّة : من القاب البنات الحلوين
كعكات : اي السبرينغز اللي بيجو مع السسبنشن بالسيارة
توطاي : سيارة واطية
قاعدة بالارض : سيارة اكثر من واطية
قومة : دراج رايس
قرطو 7 عمدان : يعني فرق عنو بسبع عمدان عالقومة
قطّبو , أكلو , طبع النمر على صباحو : يهني فش مجال للمقارنة بين السيارتين

شّممني ريحة الكاوشوك : شحّط و خمّس لحد ما الكاوشوك تطلع ريحته
دسبرطور : موزع الكهربا بالسيارة
ريوس : ريفيرس

انا بقطّع و ما بقطّب


موسك لأدوسك
إجرك لافجرك
سنّك لأرنّك
إيدك لأبيدك
عُمرو موس قزدر على وجهك؟
هسّه بخليك تلعب زقطة مع سنانك
جلّس و أعطي لمعة

فقعو كف خماسي (مع تفخيم الخاء) : ضربه كف بكامل فتحة ايده علّم اصابعه الخمسة عوجهه و جابلو الدَوَر
نااار : للتعبير انه الشيء الموصوف بجنن أو رهيب او بيرفكت
شقفة : البنت اللي جسمها نار
جمل أو فرس أو صاروخ : البنت الشقفة
اوه لا لا : بمعنى واااو
بتحب أخربطلك تضاريس/معالم وجهك : تهديد بكتلة محترمة
يلعن ابو قزايزك قزايز : يلعن حريشك
ايش الطعجة يا نعجة : لمّا تكون بنت قدامه واقفة و طاعجة جسمها (معطيتها بووز) او ماشية بغنوجة

الزروف (الظروف) يا خاروف : للتبرير عن شيء او فعل غبي بطريقة أغبى
بتتخوث يا ملوّث - تقال لمن يحاول أن يخفف دمه وبتهبّل وهو فيش أزنخ من دمّووعرظ امي والشفرة اللي بتمي

خاش بالحيط : تقال عن الشخص الطافي او اللي كازو خالص و مو عارف وين الله حاطّو
طيب قول بيبسي : مسبّة وسخة مشفّرة

حفرتلي 101

أول كورس طبعا رح يكون حفرتلي 101 اللي هو رح يكون "المدخل الى علم الحفتلة" و طبعا رح تشمل البيسكس و الاساسيات

نبدأ أولا

بتعريف الحفرتلي:0 *
الحفرتلي هو مصطلح حفرتلي بحد ذاته و الشخص الحفرتلي هو الشخص الذي يحاول جاهدا أن يصبح فايع و كوول و ستايل بجميع مجالات الحياة .. بس يا حرام قلبت معه عكسي.0

اهداف الحفرتلي (على سبيل المثال و ليس الحصر):0 *
اول هدف عنده هو انه يحس انه اشي كبير و بكون مو مصدّق حاله و شُغل "يا أرض إشتدّي ما عليكي حدا قدّي"0
.

ثاني هدف هو تزبيط البنات والعرط فيهم و عليهم

.

ثالث أهدافه يشتري لحاله موبايل جديد فيو بلوتوث مشان يقدر يزبط البنات بأي قعدة أو مكان متجمّع فيو بنات عالبلوتوث
.

رابعا و ليس آخراً شراء باص هيونداي أو كيا من اجل التزبيط

أدوات الحفرتلي (عدّته اليومية):0 *
بوكيت (باكيت) دخّان ماركة فايسروي أو إل إم

(LM)

أو باكيت مارلبورو أحمر بس جوّاته سجاير فايسروي أو توب توينتي , بكون مطلعه شوي من الجيبة مشان يبيّن
.

تلفون خلوي (موبايل) ما فيو رصيد أو فيو بس 8 قروش مشان يقدر يرن رنّة و يسكّر عصحابه و صاحبته
.

ميدالية مفاتيح لمّيعة و معبّاية كثييييير مفاتيح ما الهم داعي و حتى ما الهم أبواب أو زرافيل
.

قدّاحة أبو ظو مشان انها ستايل و فايعة و مشان تظويلو بالليل و يقدر يشوف خزق زرفيل الباب بس يروّح عوجه الفجر
.

مسبحة بظل يلولح فيها إنه فايع أو يعمل حاله بسبّح و هو بطقطق بخرزاتها بأصابعه – "مشان دين و دُنيا"0
إذا ما كانت مسبحة بكون معه سنسال (طوق) كارتيير

(Cartier)

خميل ابو 25 ليرة مشان انه يعني دفّيع و معه مصاري (شغل عرط يعني) بضلّو يلولح فيه و يلفّه على اصابعه و يفلّته
برضو إذا ما توافر سنسال الكارتيير بسلّك حاله بجنزير سدادة البانيو أو المغسلة (ابو جلول) – أكيد عرفتوه
.

نكاشة سنان بظل ماسكها ينكّش سنانه فيها أو مسواك و بالأغلب بتكون مسواك (سواك) برضو مشان دين و دُنيا
.

اماكن تجمع الحفرتل:0 *
عادة تجد الحفرتل باماكن تواجد أو تجمع البنات مثل:0
الجامعات
المقاهي
مكة مول
شارع الحمرا بالصويفية
عند مدارس البنات
دوار عبدون
بوابات كلّيات المجتمع
البلد – الساحة الهاشمية
مجمع العبدلي (خاصة قريب من باصات حجازي) مشان البنات اللي جايين من اليرموك و التكنولوجيا
عند هارديز و برغر كنج و ماك
مخفر صويلح/زهران/ضاحية الرشيد/البيادر/مرج الحمام/ناعور الخ من المخافر
شارع الاردن – عند مطل البقعة
شارع المطار – بين وزارة الخارجية و جامعة الزيتونة

.

هون بنكون خلّصنا كورس حفرتلي 101 بنشوفكم بعدين بكورس حفرتلي 102 مع زميلي أبو شركس السرسري انشالله

Welchom Welchom

هلا بالشباب الطيبة

شلونكم؟ انشالله اموركم تمام؟؟

طبعا احنا بنفترض انكم جماعة حفرتل اللي قاعدين بتقروا هيك بلوج أو انكم حابّين تصيروا حفرتل مشان هيك جايين تاخذوا كورسات و جرعات حفتلة بس اسمحولنا نبشّركم انكم حفرتل و اكتسبتم لقب حفرتل بمجرد انكم اجيتوا هون


طبعا هون رح ناخذكم رحلة أو تور سياحي في ربوع العالم المحفتل. غير انه رح نعطيكم كورسات و محاضرات و توتوريالز

(tutorials)

عن الحفرتلي و عالم الحفرتل آملين بنهاية المشوار تتخرجوا بشهادة و لقب حفرتلي مع مرتبة الشرف.. يعني على بلاطة "حفرتلي برخصة" 0


بإسمي أنا كلاسي الزعلّطي و بإسم أخوي و حبيبي أبو شركس السرسري بنرحب فيكم و بنقلكم إنجوي يور ستاي